Sinulat ni Dave Albarado
Philippine Air Force (PAF) mipagawas sa ilang pamahayag kalabot sa helicopter nga nahagsa dinhi sa Bohol niadtong adlaw Martes, Abril 27, 2021.
Matod pa sa ilang pamahayag nga niadtong adlaw Martes, Abril 27, 2021, usa ka MD520 ka helicopter gikan sa 15th Strike Wing ang nakabagat ug aksidente ug nahagsa didto sa kadagatan sa lungsod sa Getafe, Bohol sa mga alas 9:30 sa buntag niadtong Martes, samtang nagpahigayon ug usa ka engineering flight.
Ang mga membro sa PAF 505th Search and Rescue Group, ang 47th Infantry Battalion, ug Bohol Provincial Disaster Risk Reduction Management Office (PDRRMO) midali pag-adto sa lugar diin na hagsa ang naasoy nga helicopter ug daling ge luwas ang mga naangol apil na ang piloto nga nakabsan ug kinabuhi.
Sa pasiunang taho ang co-pilot nga naangol nga si Lt. Hilary Bunao, miingon sa mga sakop sa kapulisan sa Getafe nga ang hinungdan sa maong pagkahagsa mao ang mechanical trouble.
Hinoon, pagkahimoonsa PAF ang usa ka pakisusi aron mahibaw-an ang tinuod nga hinungdan sa maong paghagsa sa helicopter.
Sumala sa mga taho, ang mga naangol daling gidala didto sa President Carlos P. Garcia Memorial Hospital sa lungsod sa Talibon aron sa pagpatambal ug sila gidala inig ka palis niadtong Martes didto sa Sugbu sa aron magpaalin sa ilang angol nga na angkon.
Gawas ni Bunao, ang laing na angol mao sila si Airman First Clsss Bonn Arasola ug si Airman First Class Rex Anopyo.
Ang nakabsan sa iyang kinabuhi tungod sa aksidente mao si Capt. Aurelios Olano nga taga Candijay ug beteranonsa gubat didto sa Marawi niadtong 2017.
Sa laing bahin, ang mga sakop sa PAF, pinangulohan ni Lt. Gen. Allen T. Paredes, mipadayag sa iyang kasubo sa pagkamatay sa usa ka aircrew kinsa mibuhis sa iyang kinabuhi samtang iyang himo ang iyang tahas isip usa ka sundalo.
Ang PAF mipasalig nga mohatag sa gikinahanglang hinabang ngadto sa pamilya sa ilang mga sakop nga nadisgrasya.
Samtang ang PAF mipahibawo nga dili usa gamiton ang ilang mga helicopter nga MG520 ug gipasaligan ang publiko nga ang tanan nilang mga abyon ug helicopter gipaubos sa kanunay nga maintenance sa dlli pa gamiton alang sa mga misyon.