Sinulat ni Elvira Bongosia
Sukwahi sa pagtuo sa uban nga peligro nga magpabakuna ang mga may altapresyon, giklaro sa vaccine expert nga mas gikinahanglan hinuon nga magpabakuna batok CoronavIrus diseaee (Covid) ang may gihambin sa maong sakit.
“Kung sila ay dati nang may altapresyon, hindi naman bawal na magkaroon ka ng bakuna. Puwede kang mabakunahan. In fact, kailangan nilang magpabakuna kasi iyong mga may altapresyon iyong may malaking danger o risk na magkaroon ng severe COVID ‘pag sila ay na-expose,” pasabot pa ni Dr. Lulu Bravo, executive director sa Philippine Foundation for Vaccination.
(Kun daan na ang usa ka tawo nga adunay sakit nga altapresyon, mahimo man nga mabakunahan. Kinahanglan gani sila mabakunahan kay ang adunay altapresyon dako ang risgo nga maigo sa grabeng kaso sa Covid kun ugaling matakdan.)
Atol sa programang Laging Handa Public Briefing niadtong Mayo 19, 2021, si Bravo miingon nga sa dili pa moadto sa vaccination centers, ang mga tawong may altapresyon kinahanglan ang ilang blood pressure ubos sa 140 , walay gipamati nga sintomas sama sa pagpanakit sa dughan, ug labad sa ulo.
Gawas niini, giingong kinahanglan una imnon ang ilang tambal sa dili pa magpabakuna ug mokunsulta sa ilang doktor kun ang ilang blood pressure magpabiling taas.
Ang mga tawo nga adunay altapresyon nahisulod sa “A3,” o third priority group sa gobyerno nga angay bakunahan.
Kauban niining grupo ang mga may sakit nga diabetes, asthma, kidney ug liver.
Samtang gipasalig ni Bravo nga dili makamatay ang bakuna.
Kini tungod kay taas ang pagtuon alang niini ug walay tugotang bakuna nga may makitang safety concerns.
