Sinulat ni Elvira Bongosia
Mipasidaan ang Department of Information and Communications Technology (DICT) sa publiko batok sa mga nagpailang mga opisyal o kawani sa ilang ahensya nga nangayo ug donasyon.
“The same scheme was also reportedly used to impersonate officials from other government agencies,” (Sama pod ni sa pagpangilad nga gihimo nga nalambingit ang mga opisyal sa laing ahensya sa gobyerno.) matud pa sa gipagawas nga pahayag sa DICT.
Gitaho nga ang nagpasumangil nga sila mga opisyal ug kawani sa DICT, nagagamit sa mobile phone nga naghambin sa numerong +639632779623 sa ilang scheme nga walay kalabotan ni bisan kinsang opisyal o kawani sa DICT sumala usab sa ilang opisyal nga record.
Matud pa sa DICT, ang ilang buhatan wala motugot ni bisan kinsa nga mahimo nilang tinugyanan aron mangayo ug muhangyo ug donasyon sa katawhan.
“Let it be known that these persons are neither affiliated nor authorized to represent the DICT,” (Angay mahibalo ang tanan nga kining mga tawhana wala mahisakop ug wala tugoti sa DICT nga mahimo nilang tinugyanan sa buhatan.”) matud pa sa pahayag sa ahensya.
Gi-awhag usab sa DICT ang publiko nga magbinantayon ug magpahibalo sa mga gikadudahang kalihukan nga susama nining ngadto sa information@dict.gov.ph.