Sinulat ni Elvira Bongosia
Gilagdaan na sa Department of Justice (DOJ) ug Department of Interior and Local Government (DILG) ang joint memorandum circular (JMC) kalabot sa pagsikop ug pagbilanggo sa mga molapas sa Coronavirus disease (Covid) safety protocol.
Apil sa mga milagda sa nahisgotang circular sila DILG Kalihim Eduardo Año, DOJ Kalihim Menardo Guevarra, PhIlippine National Police (PNP) chief General Guillermo Eleazar ug uban pang opisyal sa duhang ahensya sa gobyerno.
Ang maong circular gilaoman nga higpit nga mupatuman sa minimum health ug safety protocol.
Ubos sa nahisgotang mga panudlo, gimanduan sa DILG ang mga local government units (LGU) ug PNP sa pagmugna ug holding areas diin ibutang ang mga nakalapas sa health protocol aron dili masagol sa mga nakabilanggo nga kriminal ug aron usab dili maghuot ang mga bilangguan.
Kung ibilanggo sa selda ang nakalapas, ipatuman ang lokal nga ordinansa samtang manubag usab ang mga badlongon nga opisyal kun adunay makalapas sa health protocol sa ilang mga dapit. .
Matud pa nga ang mga madakpan nga nakalapas sa quarantine nga walay sintomas, e-monitor kini sila ug paga dalhon usab sa isolation facilities kun mag-positibo sa Covid.
