LGUs kinahanglang maghimo ug ordinansa kalabot sa mga tawo nga mamaligya sa ilang turno kun skedyul sa pagbakuna batok sa Covid 

Sinulat ni Elvira Bongosia

Kinahanglang mohimo ug mopasa ug lokal nga ordinansa ang mga local government units (LGUs) nga maoy sumbanan magpahamtang ug tukmang silot sa mga indibiduwal nga mamaligya sa ilang turno sa pagpamakuna batok sa Coronavirus disease (Covid).

Mao kini ang gipahayag sa Malakanyang taliwala sa mga taho nga may mga kalihukan nga may kalabotan sa giingong mga paagi aron makapangwarta.

“Dapat magpasa ng lokal na ordinansa ang LGUs rito para sa malinaw na basehan ng parusa,” matud pa ni presidential spokesperson Harry Roque.

(Kinahanglan mag palabang ug mga lokal nga ordinansa  ang mga LGU aron adunay klarong silot.)

Gihatagan ug katin-awan ni Roque nga libre ang tanang bakuna tungod kay dili tanang bakunai aprobado alang sa halapad nga paggamit.

Gidugang pa sa kalihim nga kining maong gitaho usa kini ka paagi sa pagpanglimbong o paglapas sa balaod sa Food and Drug Administration (FDA).

Kini kalabot sa taho nga matud pa ang mga turno sa pagpamakuna gibaligya sa pipila ka LGUs sa kantidad nga P15,000 matag usa.

“We won’t allow this selling of vaccines because for one, it would jeopardize our commitment with the COVAX Facility which is for equitable vaccine distribution,” matud pa ni Roque.

(Dili ta musugot nga ibaligya kay una mahimong makalapas sa kasabutan sa Covax facility diin patas o walay gidapigan ang pagapodapod sa bakuna.)
Sa pagkakaron, ang lokal nga kagamhanan sa Manila pa lang ang nakapalabang ug ordinansa nga magpahamtang ug silot sa mga tawo nga nagpaluyo sa pagpamaligya sa turno sa pagpabakuna sa Covid.