Sinulat ni Dave Albarado
Pormal nga mihatag sa iyang sugyot ngadto sa Inter Agency Task Force (IATF) alang sa mga sumbanan (protocol) sa mga mopauli nga overseas Filipino workers (OFW) o kaha mga returning overseas Filipinos (ROF), matud pa sa taho sa Philippine Information Agency mga mipahibaw niini niadtong adlaw Hunyo 14, 2021.
Sa iyang sulat nga gipadala kang IATF chief implementer Sec. Carlito Galvez, miingon si Gordon nga kinahanglan nga ang mga Pilipino gikan sa gawas sa nasud nga nabakunahan na ipaubos gihapon sa kwarantina sulod sa pito ka adlaw. Inig abot sa ika-limang adlaw, ang Pilipino nga anaa sa kwarantina, ipaubos sa usa ka swab test, ug kun ugaling mag negatibo, mahimo na siya magawas sa kwarantina.
Ang usa ka OFW o ROF nga adunay negatibong resulta sa real time-polymerase chain reaction (RT-PCR) mahimo nga makighalubilo sa iyang mga kabanay.
Midugang si Gordon sa pag-ingon nga bisan pa nga aduna nay negatibong resulta ang usa ka OFW o ROF nga niuli sa Pilipinas ug naka gawas na sa kwarantina, kinahanglan gihapon nga magsul-ob ug face mask, face shield ug mutamod sa social distancing.
Gipasabot ni Gordon nga ang 14 ka adlaw nga kwarantina, bug-at kaayo alang sa mga manguli nga OFW kay sila ang mugasto sa ilang pagpuyo sa usa ka quarantine facility. Ang taas nga panahon sa kwarantina, usa pod ka babag aron makighalubilo ang usa ka OFW o ROF sa iyang mga kabanay inig abot sa nasud.
Nunot niini, misugyot usab si Gordon nga sa mga magpapatigayon o turista mga gustong modu-aw sa Pilipinas, mahimo nga sa mga umaabot nga adlaw nga pangayuan lang sila ug negatibong resulta sa RT-PCR nga gikuha ang swab 48 hours sa dili pa muabot sa Pilipinas, ug mosulod sa usa ka quarantine facility inig abot sa nasud, ug kinahanglan nga ipaubos usab sa swab test inig abot sa ika 5 adlaw gikan sa ilang paghidangat dinhi sa Pilipinas.
