Sinulat ni Ven rebo Arigo
Personal nga gitunol ni Gob. Arthur Yap ang tabang pinansiyal sa inahan sa Bol-anong sundalo nga suwerteng nabuhi apan samaron sa paghagsa sa abyon sa Philippine Air Force (PAF) sa Sulu nga nikalas sa kinabuhi sa dili momenus 50 ka mga tawo niadtong adlaw nga Dominggo, Hulyo 4, 2021.
Nakigkita si Yap kang Sarah Galo, inahan ni Cpl. Jesee Lord Galo, sa Governor’s Sub-Office sa Carmen karong semanaha, matud sa mga taho.
Ang mga Galo nagpuyo sa barangay Nueva Vida Sur sa Carmen.
Gitabangan sa gobernador ang inahan kay gustong moadto sa Zamboanga diin ang iyang anak kasamtangang gitambalan.
Si Sarah nangamohan lamang sa usa ka balay sa Tagbilaran City.
Si Jesee usa ka responsable ug buotang anak nga mitabang sa iyang mga ginikanan ug sa pagpaeskwela sa iyang mga igsoon.
Ulitawo pa siya sa edad nga 34 anyos.