Sinulat ni Dave S. Albarado
Nakahimamat ni Gob. Art Yap ang atong mga kabatan-onan sa lungsod sa Maribojoc ug Tubigon atol sa pagpanghatag sa ilang financial assistance ubos sa Bohol Educational Subsidy Program niadtong Hulyo 20, 2021.
Nahigayon ug pakighinabi sa gobernador ang 80 ka mga estudyante nga benepisyaryo sa maong programa sa mubo nga interaction human sa maong pagpanghatag ug nadungog niya ang nagkalain-laing mga tingog sa atong mga kabatan-onan.
Gawas niini, aduna usab tay upat ka kababainhan nga nakadawat ug chest freezers ubos sa Livelihood Assistance Grant isip abag sa ilang panginabuhian karong panahon sa pandemya.
Kauban sa gobernador sila si Vice-Governor Rene Relampagos, Board Member Ricky Masamayor, Board Member Aldner Damalerio ug Mer Ebojo sa buhatan ni Cong. Edgar Chatto.