Sinulat sa PRIMER
Laing hugna sa pagpanghatag sa Health Cards didto sa Kapitolyo diin personal kini nga gitunol ni Gobernador Art Yap ngadto sa mga kadagkuan, medical staff ug empleyado sa mga tambalanan sa Bohol, niadtong Sept. 6, 2021.
Ang insurance nagkantidad ug 75,000 ubos sa serbisyo sa Medicare Health Systems, Inc. diin pwede kini magamit sa Borja Family Hospital, ACE Medical Center – Bohol, Ramiro Community Hospital, Tagbilaran Community Hospital, Lim Community Hospital (Jagna) ug sa All Aspect Dental Care Clinic.
Sa iyang mensahe, mapasalamaton kaayo si Yap sa tanang empleyado sa medical sector diin dako ug tampo ug sakripisyo sa pag-atubang sa pandemya.
Mapasalamaton usab ang mga empleyado ngadto sa Gobernador sa maong programa diin dako ug tabang hilabi na nga anaa kita sa krisis sa Coronavirus disease (Covid).
