Sinulat ni Elvira Bongosia
Gi-uswag ang deadline sa filing sa aplikasyon alang sa pag-transfer sa voter registration record gikan sa laing nasud pabalik sa Pilipinas.
Matud pa sa gipagawas nga pahayag sa Commission on Elections (COMELEC), gikan sa kaniadtong deadline nga Agosto 31, 2021, mahimong makabotar ug balik ang overseas voters sa Pilipinas sa umaabot nga eleksyon kun maka-file ug transfer hangtod sa Sept. 30, 2021.
Nadesisyonan sa COMELEC nga i-uswag ang deadline aron malikayan ang disenfranchisement sa overseas Filipinos nga kalit nipaule o na-repatriate tungod sa pandemya ug uban pang kagubot sa ubang nasud.
Ang mga kaniadtong overseas voters nga naa sa Pilipinas hangtod Mayo 2022 ug gustong makabotar mahimong moadto sa pinakaduol nga buhatan sa Office of the Election Officer ug mag-file na dayon ug transfer.
