PSA nanawagan sa publiko: Ayaw e-post ang nat’l ID sa social media 

Sinulat ni Elvira Bongosia

Nanawagan ang Philippine Statistics Authority (PSA) sa publiko nga dili i-post o ipakita sa social media ang ilang national identification cards aron malikayan ang bisan unsang pagpangilad.

Sa usa ka pahayag, miingon si PSA Assistant Secretary Rose Bautista nga gibantayan na sa ahensya ang mga tawo nga nag-post o nagpakita sa ilang national IDs.

“Please lang, huwag ninyo gawin ‘yan. Ang ating ID is something na dapat tinatago at hindi ine-expose kasi sa fraud,” panawagan ni Bautista.

(Ayaw gayud ninyo himoon na. Ang ID angayan nga itago aron dili magamit sa pagpangilad.)

Matud pa niini nga dili angay e-expose ang PhilSys ID aron dili kini mahimong pangdani alang sa mga gustong mangpeke.

Pasidaan pa sa PSA nga ibutang lamang sa publiko ang ilang kaugalingon sa kamot sa mga kawatan.

Matud pa sa PSA nga may tukmang silot ug kaso ug adunay fraud management division sa PhilSys registry office nga nagtan-aw ug mag-file ug mga kaso alang sa mga madiskobre nila nga adunay basehan nga kini mga pekeng ID nga e-presenta nila.

Gibanabanang halos 1.7 milyon na ka Pilipino ang nakadawat sa ilang national IDs.