Sinulat ni Elvira Bongosia
Gilagdaan na ni Presidente Rodrigo Roa Duterte ang balaod nga magbuhis sa Philippine Offshore Gaming Operations (POGO).
Matud pa ni Presidential Spokesman Harry Roque nga gilagdaan sa Pangulo ang Republic Act 11590 niadtong Miyerkules, September 22, 2021.
Si Roque nagkanayon nga parte kini sa hugot nga pag-regulate sa gobyerno sa tanang klase sa sugal ug pagbawal sa ilegal nga sugal sa nasud.
Matud pa ni Roque nga gamiton ang 60 porsyento sa makolektang buhis sa POGO sa universal health care program samtang ang 20 porsyento usab maadto sa pagpakusog sa medical facilities ug ang nahabiling 20 porsyento alang sa sustainable development goals.
Kahinumdoman mga mokabat sa kapin P6 bilyon ang nakolektang buhis sa gobyerno sa POGO niadtong 2019.
Apan nagsarado ang operasyon sa POGO sa dihang niigo ang pandemya nga Coronavirus disease (Covid) niadtong 2020.
