Sinulat ni Elvira Bongosia
May kinatibuk-ang 182,125 na ka mga Bol-anon ang fully vaccinated batok sa Coronavirus disease (Covid) sukad niadtong Sabado, Sept. 25, 2021.
Sa gipagawas nga COVID-19 Vaccination Report sa Provincial Health Office (PHO), may 175,998 na ka mga Boholano ang nakadawat sa first dose sa bakuna.
Sa kinatibuk-an, nikabat na sa 358,125 ang mga nabakunahan sa lalawigan taman niadtong Sept. 25, 2021.
Ang lalawigan sa Bohol nakadawat na sa kinatibuk-ang 456,692 ka mga bakuna batok sa makamatay nga Covid.
Gilangkoban kini sa mga bakuna nga Sinovac, Pfizer, Astrazeneca, Sputnik V, Johnson & Johnson, Moderna ug Sinopharm.
