Sinulat ni Elvira Bongosia
Gipalig-on sa Inter-Agency Task Force (IATF) ang pilot rollout sa pagbakuna sa mga kabataan nga may edad 12 hangtod 17 anyos karong buwan sa Oktubre.
Ang mga bakuna batok Coronavirus disease (Covid) nga Moderna ug Pfizer lang ang gihatagan ug emergency use authorization (EUA) sa Food and Drugs Administration (FDA) mao nga kini lamang ang brand sa bakuna nga mahimong gamiton.
Ang pilot rollout magsugod sa Okt. 15, 2021 ubos sa “phased approach” nga idetermina sa National Vaccination Operations Center (NVOC).
Gisuportahan usab ug gipalig-on sa IATF, base sa direktiba sa Pangulo ang pagbukas sa national vaccination program sa general population sa tibuok nasod. Kini tungod usab sa determinasyon sa National Task Force Against COVID-19 ug Vaccine Cluster niini.
Lima ka ospital una ang magpahigayon ug pilot sa pagbakuna sa mga bata, matud pa sa gobyerno.
