Sinulat ni Elvira Bongosia
Gilagdaan na ni Presidente Rodrigo Roa Duterte ang Republic Act 11592 nga gitawag ug LPG Industry Regulation Act nga nagtinguhang i-regulate o tarungon ang industriya sa domestic liquefied petroleum gas ug seguradohon ang proteksyon sa mga mamamalit batok sa malpractices.
Ang maong balaod gilagdaan niadtong Okt. 14, 2021 ug ang kopya gipagawas niadto lamang Lunes, Okt. 18, 2021.
Ubos niining balaod, gitogutan sa LPG Cylinder Exchange and Swapping Program ang “exchange, swapping, and buyback of LGP cylinders, the computation of the depreciated value of LPG cylinders, and the establishment of accredited LPG cylinder swapping centers.”
Sa pikas bahin usab, ang Department of Energy (DOE) ang magsilbing nag-unang ahensya sa gobyerno nga responsable alang sa implementasyon ug pagpatuman sa RA 11592.
Ang DoE ang mag- regulate, supervise, ug monitor” sa LPG industry ug tanang industriya nga mosalmot aron maseguro ang pagsunod sa “health, safety, security, ug environmental standards,” subay sa Philippine National Standards (PNS), ug gitugotang codes and standards.
Kini usab ang mag-andam sa LPG Industry Development Plan, nga may konsultasyon sa publiko ug pribadong stakeholders, nga iapil sa Philippine Energy Plan.
Ang LPG Industry Development Plan nagtinguhang seguradohon nga ang “existing and projected LPG supply levels will meet demand,” apil na ang konkretong lakang aron mas mapalambo pa ang industriya.
Ubos sa RA 11592, “every LPG industry participant shall secure a license to operate, which shall indicate the specific site, plant, and outlet, prior to the commencement of commercial operation, and shall publicly post such license to operate in its business establishment or premises.”
Sa panahon o higayon nga ang participant gustong mosalmot sa bag-ong aktibidad sa gawas sa iyang kasamtangang lisensiya nga mag-operate, kinahanglan niining mokuha ug bag-ong lisensiya alang sa bag-ong aktibidad.
Ang DoE usab ang magbaton ug “exclusive authority” aron magpagawas ug lisensiya aron mag-operate, balido alang sa tulo ka tuig o kaha gidugayon nga gitakda sa DoE.
Nakalatid sa balaod nga magpahamtang kini ug multa nga gikan P5,000 hangtod P500,000 ug pagkabilanggo ug dili moubos sa unom ka buwan apan dili molapas sa 6 ka tuig sa mga molapas sa balaod.
Ang balaod mahimong epektibo 15 ka adlaw human ang pagkapatik sa Official Gazette o sa bisan sa 2 ka bisan unsang pahayagan nga adunay general circulation.
