RT-PCR test exemption alang sa mga fully vaccinated domestic tourists giduso na 

Sinulat ni Elvira Bongosia

Giduso sa sektor sa negosyo ang pagpaluag sa restriksyon alang sa mga domestic travelers nga mobisita sa mga nag-unang tourist destinations sa nasod.

Si Presidential Adviser for Entrepreneurship Joey Concepcion atol sa gipahigayong Go Negosyo’s Bakuna Townhall niadtong Okt. 15, 2021, mibutyag nga ang pribadong sektor nakigsabot na sa mga local government units (LGUs) sa Aklan, Bohol, Cebu, Palawan, Siargao, ug uban pang nag-unang tourist destinations aron e-exempt ang mga fully vaccinated nga mobyahe sa pag-presentar ug real time-polymerase chain reaction (RT-PCR) test results sa ilang pag-abot.

Ang lalawigan sa Cebu, gawas sa syudad sa Cebu wala na nag-require sa mga bisita sa pag-presentar ug RT-PCR tests sugod karong buwana.

Matud pa ni Concepcion nga mao kini ang gihangyo sa mga airline companies.

“The request of the airlines is to exempt fully vaccinated people from RT-PCR test. That is a major cost component for many of those traveling to these tourist destinations,” matud pa ni Concepcion.

(Hangyo sa mga airlines nga i-exempt ang mga hingpit nga nabakunahan sa RT-PCR test. Dako kining galastohon sa mga byahero nga gusto mubisita sa mga tourist destinations.)

Si Concepcion nagkanayon nga ang pribadong sektor nakadawat ug positibong tubag gikan sa mga gobernador ug mayor.

“I am glad that the response is quite overwhelming. Everybody seems to be open to removing the RT-PCR test,” pagbutyag pa ni Concepcion.

(Nalipay ko sa halapad nga tubag. Tanan able sa pagwagtang sa kinahanglan sa RT-PCR.)

Ang Inter-Agency Task Force (IATF) nag-require sa mga local travelers sa pagpresentar ug negatibong RT-PCR test results sa pag-abot sa ilang destinasyon, mahinungdanon man kun essential o alang sa kalingawan kun leisure.

Apan may ubang LGUs nga naglu-ag na ug restriksyon aron makadani ug mga turista aron makabangon ang ilang lokal nga industriya sa turismo.