Sinulat sa PRIMER
Dungan sa pagsaulog sa ika-125th nga adlawng natawhan ni Presidente Carlo P. Garcia, gipangunahan ni Gob. Art Yap ang pagbukas sa pinakabag-ong showcase center sa CPG Park niadtong Nob. 4, 2021.
Dakong kalipay sa atong gobernador nga makita ang atong mga mag-uuma, mga mananagat ug mga lokal nga negosyante nag nag-display sa ilang kaugalingong mga abot sa bag-ong gibuksan nga showcase center.
Sa pagmugna niining maong center, tumong sa atong gobernador nga makabaligya ang atong mga mag-uuma sa ilang mga abot nga diretso ang kita sa ilang mga bulsa.
Kini para matabangan sila nga mosaka ang ilang kita ug mas makatabang sa ilang panginabuhian.
Dugang pa, makatabang usab ang maong center sa mga konsumidor diin mas barato ang mga pamaliton.
Ang kagamhanang probinsyal walay buwis nga gipangayo sa mga mag-uuma ug mga exhibitors nga namaligya sa showcase center.
Mitambong usab sa maong kalihokan sila si Vice Gov. Rene Relampagos, Board Members Aldner Damalerio, Victor Balite, Frans Garcia-Devenosa,Jade Bautista, Lucille Lagunay, Atty. Abel Damalerio sa buhatan ni Cong. Edgar Chatto, Tagbilaran City Councilor Eliezer Borja, Col. Osmundo Solibo, Lt. Col. Mary Peralta, Jerome Gonzales sa Department of the Interior and Local Government, Ret. Sancho Bernales, Philippine Coast Guard personnel, ug mga miyembro sa Management Executive Board.
