Sinulat ni Elvira Bongosia
Gi-anunsyo sa Department of Health (DOH) niadtong Nob. 5, 2021, nga dili na kinahanglang magpakita ang mga menor-de-edad gikan 12 hangtod 17 anyos ug medical certificates aron mabakunahan.
Matud pa sa gipagawas nga pahayag sa DOH, kinahanglan lamang magpresenta ang mga magpabakuna ug mga dokumento nga magpamatuod ug filiation o guardianship tali sa bata ug sa ginikanan o nag-atiman niini ug mga valid identification card.
Samtang kinahanglan sa mga menor-de-edad nga may comorbidities ug medical certification gikan sa ilang doktor aron mabakunahan.
Ika-3 sa Nob. 2021, gisugdan ang pagbakuna sa tanang mga batang may edad 12 hangtod 17 anyos gikan sa bisan unsang sektor, butang nga gisugdan sa dili pa ibalik ang face-to-face nga klase sa mga piniling elementarya ug high school sa Pilipinas.
