Sinulat ni Elvira Bongosia
Mahimong maggahin ang gobyerno ug shuttle service aron magsakay sa mga dili pa bakunadong indibidwal nga mga senior citizens ug may sakit kun gikinahanglan.
Alang kini sa gitakdang pagpahigayon sa ikaduhang national vaccination program nga Bayanihan Bakunahan sa gobyerno sa Dis. 15 hangtod 17, 2021.
Matud pa nga patutokan sa mga volunteer ang pagbakuna sa A2 ug A3 nga kategorya.
Tumong sa gobyerno nga makumpleto ang Coronavirus disease (Covid) vaccine dose sa pito ka milyong Pilipino sa gitakdang national vaccination drive.
Kahinumdoman nga unang gilusad ang three-day vaccination drive niadtong Nob. 29 hangtod Dis. 1, 2021 apan wala naabot ang siyam nga milyong target.
