Bohol Tribune
Bisaya

Yap mapasalamaton sa mga saad nga tabang gikan ni Duterte

Sinulat gikan sa Primer

Gob. Arthur Yap mapasalamaton kang Presidente Rodrigo Duterte sa gisaad nga P2 biillion nga igahin nga tabang alang sa Bohol human naigo ang maong lalawigan sa bagyong Odette.

Kini gipadayag sa gobernador human personal nga mibisita si Duterte dinhi sa Bohol niadtong Domingo, Dis. 19, 2021, aron pagsusi sa kadaot nga gibilin sa bagyo dinhi.

Nasayran gikan sa Office of the Presidential Assistance in the Visayas (OPAV) nga si Michael Dino nga ang P1 billion nga hinabang ihatag sa mga local government units samtang ang laing P1 billion usab igahin sa mga government agencies.

Duna say ihatag ang National Housing Authority (NHA) nga tag P5,000 hangtod P30,000 nga shelter assistance sa mga nawad-an ug kapasilungan tungod sa bagyo.

Personal nga gibisita ni Duterte ang Bohol diin nakigtagbo kini kang Yap kauban ang pipila ka mga cabinet members.

Gikan pa sa Cebu ang presidente ug kini miadto sa Argao ug sa lungsod sa Inabanga aron tan-awon ang damyos sa bagyo. 

Related posts

Pundo hinabang alang sa nagkalisud, nakuhaag P18M kay NTA minggamay

The Bohol Tribune
2 years ago

Clinical trial sa lagundi ug tawa-tawa, nagbunga ug maayong resulta batok sa Covid mild symptoms

The Bohol Tribune
3 years ago

CSC mipasidaan sa publiko batok sa mga reviewers, review centers nga magtanyag ug CSE review classes

The Bohol Tribune
4 years ago
Exit mobile version