Sinulat ni Elvira Bongosia
Gitambagan ni National Task Force (NTF) Against COVID-19 medical adviser Dr. Ted Herbosa ang publiko nga pag-amping ug dili mag-kampante taliwala sa pag-ubos sa mga aktibong kaso sa coronavirus sa nasod.
“Huwag nating kakalimutan ibaon ang ating mga face mask, surgical mask at N-95 mask. Tuluy-tuloy pa rin ang recommendation ko na huwag nating alisin iyang recommendation na iyan,” matud pa ni Herbosa sa Laging Handa Public Briefing.
Si Herbosa nagkanayon nga may panginahanglang ipadayon pa gihapon ang pagsunod sa public minimum health standards, bisan pa nisaka ang vaccination coverage.
Gibutyag niini nga ang kasinatian sa ubang nasod nga taas ug vaccination rate, gitangtang nila tanang mga restriksyon sama sa pagsuot ug mask mao nga nisaka ang mga kaso nila.
Gitumbok usab ni Herbosa nga ang makamatay nga Coronavirus disease nagpabilin pa gihapon sa nasod bisan pa sa ubang lugar nga naa ubos sa Alert Level 1 system.
Matud pa ni Herbosa nga kinahanglang mahimong magbinantayon ang katawhang Pilipino sa mga lugar nga dugokonon ug mga tawo tungod kay giingong daku ang tsansa nga mokatap ug mokuyanap ang maong virus.
