Sinulat ni Dave Albarado
Gi-sugat ni 2nd district Rep. Erico Aristotle Aumentado ang mga myembro sa rescue team nga gipadala ni Davao City mayor Sara Duterte dinhi sa Bohol aron motabang sa mga lugar ug mga katawhan nga naapektohan sa bagyong Odette sa lalawigan.
Matod ni Aumentado nga iyang gihangyo si Duterte alang sa maong tabang alang sa mga naigo sa bagyo sa Bohol.
Ang rescue team gikan sa Davao City nagdala usab ug mga himan ug mga medical supplies, ingon man pagkaon ug tubig alang sa mga nabiktima sa bagyo.
Matod ni Aumentado nga mokapin sa 100 ka myembro sa rescue team gikan sa Davao City ang ania na karon sa Bohol nga padayong mitabang sa rescue ug clearing operation sa kadaot nga gibilin sa bagyo.
Unang giadto nila ang mga lungsod nga grabeng naapektohan sa bagyo sama sa Ubay ug kasikbit nga mga lungsod.
