Gob. Arthur C. Yap
Sinulat sa PRIMER
Gipangulohan ni Gob Art Yap ang consultative meeting nga gipahigayon kauban ni Department of Social Welfare and Development (DSWD) Sec. Rolando Bautista, DILG Undersecretary (for Barangay Affairs) Martin Diño ug mga Mayor niadtong Enero 19, 2022.
Matud pa ni Sec. Bautista, dako ang papel sa atong mga Mayor para mahatagan ug igong tabang ang atong mga kaigsoonan nga biktima sa bagyong Odette.
Gi-awhag usab niya ang atong mga mayor sa pag-sumite sa lista sa ilang mga sakop nga nagkinahanglan sa tabang.
Dugang pa ni Bautista nga mamahimong gamiton sa mga mayor ang atong mga barangay para makatabang sa pagkuha sa mga kinahanglan nga datos.
Sa laing bahin, mapasalamaton si Yap ngadto kang Bautista ug DILG Usec. Martin Diño ug ilang mga kaubanan sa personal nga pagbisita sa atong lalawigan para direkta nga madunggan ang mga kinahanglan sa tagsa-tagsa ka mga lungsod.
Mitambong usab sa maong meeting sila si Atty. Kathyrin Pioquinto – Provincial Administrator, 1st District Congressman Edgar Chatto ug uban pang mga opisyales sa gobyerno.