Gob Art Yap (wala) maita nga nakighinabi kang Technical Education Sills and Development Authority (TESDA) administrator Isidro La Peña (tuo). Andam motambang ang TESDA sa pagbarug ug balik sa Bohol gumikan sa katalagman.
Sinulat sa PRIMER
Gob. Arthur Yap malipayong gi-abi abi si Technical Education Skills Development Authority (TESDA) administrator, Sec. Isidro La Peña ug Region 7 Director Gamaliel Vicente Jr. sa ilang pagbisita sa kapitolyo niatong Enero 16, 2022.
Matud pa ni Sec. La Peña andam ang TESDA nga makigtambayayong sa kagamhanang probinsyal para matabangan ang atong mga kaigsuonan nga biktima sa bagyong Odette.
Dugang pa niya, ang TESDA adunay mga tigbansay nga ania karon sa atong lalawigan para motabang sa pag-ayo sa mga gubang kabalayan.
Aduna usab silay mga ipahigayon nga mga training para sa mga biktima sa bagyo.
Mapasalamaton ang gobernador sa inisyatiba sa TESDA ug nanghinaut nga magmalampuson ang mga programa.
Kauban usab nila sa pagbisita sa kapitolyo si TESDA Provincial Director Winifredo Salas.