Sinulat sa Primer
Mitbong si Gob. Art Yap kauban si ang kalihim sa Department of Agriculture Secretary William Dar sa pagabli sa Kadiwa on wheels didto sa karaang tugpahanan sa dakbayan sa Tagbilaran niadtong Feb. 7, 2022, diin gibaligya ang mga klase-klase sa mga prudukto sa agrikultura nga ubos ang presyo kun itandi sa mga gibaligya sa merkado.
Gibaligya aa maong Kadiwa on Wheels ang mga prutas nga gikan sa Davao Region sama sa durian, mangosteen, rambutan, pomelo, marang, saging ug mga utanon, nga ubos ang presyo.
Aduna usab mga taga Zamboanga Region nga mianhi sa Bohol aron mamaligya ug lab-as isda apil na ang buwad, mga utanon sama sa talong, ampalaya, kalabasa, sayote,beans, lemonsito ug mga lagutmon.
Ang Kadiwa on Wheels sa karaang tugpahanan sa Tagbilaran gitakupa niadtong Peb. 9, 2022, matud sa taho.
