Sinulat ni Elvira Bongosia
Giklaro sa Department of Health (DOH) nga ang tanang indibidwal nga nakakuha na sa ilang digital Coronavirus disease (Covid) vaccine certificates sa VaxCertPH angay nga mo-request ug bag-ong bersyon.
Kini tungod kay naka-update na ang VaxCertPH sa mga bag-ong features.
Matud pa sa gipagawas nga pahayag sa DOH, mahimong i-regenerate ang code sa vaxcert.doh.gov.ph o moadto lamang sa lugar diin sila gibakunahan.
Ang mga indibidwal nga nakakuha sa ilang certificates sa wala pa ang Pebrero 7, 2022, gi-awhag sa pag-request ug bag-ong bersyon sa VaxCertPH sa portal tungod kay ang mga QR code nga gipanghatag kaniadto, mahimo nang “outdated” ug dili na mabasa.
“Regenerate your VaxCertPH if you already have it, or get your VaxCertPH 48 hours after your full vaccination, matud pa sa pahayag sa DOH.
Nahilakip sa VaxCertPH ang personal data sa holder, brand ug lot number sa bakuna, lugar, ug petsa kanus-a nabakunahan.
May QR code usab nga gamiton sa Vaccination Information Management System.
Samtang mahimo usab kining ‘digital proof of vaccination’ sa mga mobyahe sa ubang nasod.