Sinulat ni Rey Anthony Chiu
Makahimo na ang University of the Philippines-Philippine Genome Center (UP-PGC) sa Visayas, sa genome sequencing aron matumbok ang variant sa mga sakit nga nakaapekto sa tibuok Kabisay-an ug Mindanao.
Kini human malampuson nga nakalabang ang UP-PGC Visayas nga anaa mahimutang sa IloIlo City, sa inisyal niini nga pagpadagan sa 94 ka samples sa virus nga nakolekta sa Western Visayas.
Ang kalampusan sa UP-PGC Visayas magkubos sa mga trabahoon nga adto kaniadto himoon sa mga genome sequencing centers sa klulohan.
Kini samtang ang Department of Health (DOH), UP-PGC, ug ang University of the Philippines – National Institutes of Health (UP-NIH) usab mitaho nga sa ilang nadawat nga 744 ka samples alang sa genome sequencing, 702 niini mapamatud-an nga mga kaso sa Omicron o B.1.1.529 variant o 94.35% sa tanang samples nga napadala ug may lain pa nga 9 ka Delta (B.1.617.2) variant cases (1.21%).
Kini nga pagkadiskobre, dala sa genome sequencing nga gihimo niadtong Enero 30, 2022.
Human sa usa ka semana, lain nga 936 sa samples alang sa sequencing run nga gipadagan sa UP-PGC Diliman, UP-PGC Visayas, ug sa Research Institute for Tropical Medicine (RITM) niadtong Peb. 6, 2022, napamatud-an nga ang 867 niining mga samples nga gipadagan, Omicron variant o 92.63% u gang 7 ka kaso o (0.75%) Delta variant cases.
Niini, mikabat na sa 1,569 na ka kaso sa Omicron variant ang namatikdan, 1,458 niini mga local cases, samtang 76 ang sa Returning Overseas Filipinos (ROFs), ug 35 ka kaso ang kasamtangan pang gisuta ang ilang mga addresses.
