Sinulat ni Elvira Bongosia
Gilagdaan ni Presidente Rodrigo Roa Duterte ang Executive Order 165 nga nagtinguhang i-update ang mga sumbanan kalabot sa mga out-of-home advertising signs ug billboards.
Base sa EO 165 nga gilagdaan sa pangulo niadtong Marso 21, 2022, nakalatid ang mga requirements alang sa non-mobile advertising signs, billboards, ug uban pang support structures.
Nagtuo si Presidente Duterte nga ang mga unregulated advertising signs ug billboards nagdala lamang ug traffic distractions, hulga sa public safety ug nagdala kini ug pollutants tungod sa uncontrolled height limit niini.
Apil sa pipila ka standards nga angay masunod ang lima ka metro nga setback ang likod nga bahin gikan sa frontage samtang giingong kinahanglan usab nga pasado sa Philippine Electrical Code kun high tension wires ang gamit niini.
Ang mga electronic signs o LED billboard display angay adunay minimum display area nga 55 square meters.
Apil usab ang mga rooftop billboards dili angay okupahan ang kapin sa 1/4 sa street frontage sa edipisyo samtang ang distansiya sa mga itukod nga billboard sa mga kadalanan o highway kinahanglang adunay gilay-ong 100 metro gikan sa usa pa ka billboard.
Makunsidera nga obstruction ang usa ka billboard kun wala sa 200 metro ang gilay-on niini gikan sa intended audience.
Samtang makatambayayong sa mga local government units sa pagpatuman niining EO ang Department of the Interior and Local Government (DILG).
