Sinulat ni Elvira Bongosia
Aron maprotektahan ang kalikopan, gipahinumdoman ni Department of Environment and Natural Resources (DENR) Acting Secretary Jim O. Sampulna ang mga kandidato ug bisan ang mga tigsuporta niini nga e-konsiderar ang kalikopan samtang nagpahigayon ug campaign activities alang sa Mayo 2022 nga national ug local elections.
Si Sampulna namahayag niini human sa nadawat nga taho nga nigamit ug pabuto ug mga balloons ang mga kandidato sa ilang mga political rallies.
“Aside from prohibiting the posting of campaign materials on trees, we also urge the candidates to refrain from using fireworks and releasing balloons during their political rallies. We do not encourage using these materials because it harms the ozone layer,” matud pa ni Sampulna.
Gidugang pa niini nga ang pagpalupad ug mga ballons ug paggamit ug pabuto makadaot sa kalikopan.
Kalabot niini, miingon usab si DENR-Biodiversity Management Bureau (BMB) OIC Director Natividad Y. Bernardino nga ang pagpalupad ug balloons mahimong makadaot sa palibot ug wildlife.
“When the balloons run out of air, their scraps come back to the ground and may end up in the oceans and become marine litter,” matud pa ni Bernardino.
Ang marine litter gilangkoban sa nagkalain-laing materyales ug kadaghanan niini mga plastik sama sa balloons, bags, sachets, mga putos, botelya ug uban pa.
Mahimo usab kining makaon sa mga pawikan sa dagat, balyena, dolphins ug isda nga mahimong hinungdan sa internal injuries ug pagkamatay nila.
Ang marine litter makadaot usab sa marine habitats.
