Sinulat ni Elvira Bongosia
Isip tubag sa Coronavirus disease (Covid) pandemic, ang Kapit-Bisig Laban sa Kahirapan-Comprehensive and Integrated Delivery of Social Services (KALAHI-CIDSS) nihatud sa 43 ka units sa handwashing facilities ngadto sa local nga kagamhanan sa Sevilla, lalawigan sa Bohol.
Parte kini sa proyekto sa komunidad sa Department of Social Welfare and Development (DSWD) sa pagdumala sa local nga transmisyon sa Covid nga mga kaso samtang nagtabang sa komunidad sa pag-implementar sa ilang prayoridad nga panginahanglan.
Ang ka-anaa sa mga handwashing nga mga estasyon sa tanang 13 ka barangays, uban sa lain pang mga lakang, nakatampo sa lungsod sa Sevilla sa pagdawat sa Department of Interior and Local Government’s (DILG) “Safety Seal Certification.”
Ang maong certification program nagsukod sa usa ka establisyemento, organisasyon, ug uban pang units sa minimum public health standards.
Ang KALAHI-CIDSS nipalit usab ug medical equipment, sanitary products, ug disinfectants isip tabang sa LGU’s ug sa mga partner health agencies sa ilang health standards.
Pinaagi niining mga sub-projects, ang DSWD miseguro nga ang local government units nag-mentinar sa safe public spaces, nga kritikal sa pagbukas ug balik sa lokal nga ekonomiya.
“Salamat sa KALAHI-CIDSS sa paghatag kanamo ug handwashing facility. Napahimuslan kini namo aron malikayan ang pagsaka sa kaso sa COVID-19. Kini nagamit usab sa mga evacuees sa among barangay human mi naapektohi sa Bagyong Odette”, matud pa ni Angelita Calamba, ang BDC Technical Working Group Head.
Ang programa sa KALAHI-CIDSS magpadayon sa pagpamuhonan sa mga proyekto nga magpalig-on sa pangingkamot sa mga partner nga mga lugar sa ilang pakigbugno batok sa health emergencies.
