Sinulat ni Dave Albarado
Mipadayag ug kasubo si Cong. Edgar Chatto sa unang distrito sa Bohol ilabi na sa mga mga pamilya sa mga namatay ug naangol sa nahitabong trahedya diin nahugno ang karaang taytayan sa Loay nga gihinganlan ug Clarin bridge.
Sa usa ka post sa Facebook, mipadayag si Chatto sa iyang pahasubo ug pagampo sa mga nabiktima sa maong trahedya.
“Our thoughts and prayers are with those who passed away in the tragic collapse of Clarin Bridge in Loay. We hope for quick recovery of those who have been injured and we pray for the best outcomes in the ongoing rescue efforts. We thank those who are involved in the search, rescue and retrieval operations for their courage and dedication as we allow our authorities to conduct a full investigation on the incident,” matud ni Chatto,
Dugang pa ni Chatto, “Padayon kita sa atong mga pag-ampo ug pagtinabangay sa atong pagsagubang sa mga hagit.”
Mga alas 4:18 ang takna sa hapon giingon nga nahugno ang taytayan, matud pa ni Loay mayor Hilario Ayuban.
Upat ang gikataho nga namatay ug dili momenus sa 20 ang nakalingkawas sa maong trahedya matud ni Ayuban.
