Sinulat ni Dave Albarado
Ugmang adlawa ang pinili-ay, tungod niini, subling gipahimangnuan ang mga magtutudlo ug non-teaching personnel sa Department of Education (DepED) sa pag apil-apil sa politika diin magpadayag sila ug pagdapig sa bisan kinsa nga politiko o musalmot sa bisan kalihukan nga kabahin sa politika.
Kini samtang namatikdan nga ang mga tunghaan nga opisyal nga mipalubad sa ilang pangampanya, ug sa ilang mga magtutudlo sa dayag nga pagpangampanya sa mga partido, pulitko ug mga kandidato sa nagkalainlaing posisyon sa kagamhanan.
Unod usa ka pahayag namahayag ang DepED nga: “Kami nanawagan sa atong mga DepEd officials ug trabahante sa pagpakayab sa political neutrality sa serbisyo sibil ug pagpatunhay sa pagkapropseyonal sa pagpatuman sa atong mga gimbuhaton.”
Misulti ang DepEd nga ang mga magtutudlo ug mga non-teaching personnel kay nasakop sa mga sumbanan ug balaod sa Civil Service Commission (CSC) ug sa Commission on Elections (Comelec).
Dugang niini, mahimong kapasakaan ug sumbong ang mga opisyal, empleyado ug trabahante sa goberno nga ubos sa CSC ug mga tukmang kaso nga gitagana alang niadtong mag-apil-apil sa piniliay.
Matud sa DepED, padayon pa ang ilang Election Task Force (ETF) sa pagsuroy sa mga rehiyon aron pahimangnuan ang mga magtutudlo o non-teaching personnel nga dili mag apil-apil sa mga kalihukang politikal.
