Sinulat ni Elvira Bongosia
Giklaro sa Department of Health (DOH) ang kalainan sa kahulogan tali sa ‘local’ transmission ug ‘community‘ transmission sa interes sa paggiya sa publiko sa operational terms nga gigamit sa DOH ug sa mga kasosyo niini sa outbreak response.
Matud pa sa DOH, ang kahulogan sa ‘local transmission’ mao ang natakdan nga mga natumbok nga kaso gikan sa usa ka lokal nga tinubdan sa impeksyon, nga walay bisan unsang kalabot sa mga international source’ o tinubdan sa gawas sa nasud.
Samtang ang ‘community transmission’ nagpasabot nga adunay dakong numero sa mga kaso na natumbok, kadaghanan niini dili na mapasangil sa mga kasamtangang kaso.
“To protect the general public, the DOH chooses to mount an outbreak response more oriented towards community transmission, even if, by the above operational terms, it is only detecting local transmission” matud pa sa gipagawas nga pagklaro sa DOH.
Bisan unsa man ang matang sa paghatod, matud pa sa DOH, nga nigana ang atong pinakaubos nga sumbanan sa panglawas sa publiko. Ipadayon ang pagsuot ug mask nga maoy pinakamaayo; ilain kung adunay sakit; doblehon ang proteksyon pinaagi sa pagpabakuna ug mga booster; ug seguradohon ang maayong airflow o pag-agos sa hangin.
