Sinulat ni Elvira Bongosia
Giklaro sa Department of Health (DOH) nga dili pugos ang pagbakuna batok Coronavirus disease (Covic) sa mga bata aron makabalik sa eskwelahan.
Kini human sa gitakdang face-to-face classes sa mga tunghaan sa tibuok nasud sa Agosto.
Gipapas usab ni Health Undersecretary Maria Rosario Vergeire ang kahadlok sa mga ginikanan ug giklaro nga dili mahimong kondisyon ang pagbakuna sa mga bata.
Sa gipagawas nga datos sa DOH, naa sa 3.7 milyon o 34% pa lang sa 5-11 years old ang nakadawat ug primary series samtang naa sa 107% usab alang sa age group nga 12-17 anyos.
Tungod niini, magbutang ang DOH ug vaccination site sa mga tunghaan aron mapaduol sa mga bata.
