Sinulat ni Elvira Bongosia
Gipangunahan sa Department of Public Works and Highways (DPWH) ang pag-inagura sa Nielsen Arch Bridge o ang bag-ong Clarin Bridge nga nahimutang sa Poblacion Ubos sa lungsod sa Loay, Martes sa buntag, Hunyo 21, 2022.
Si DPWH Undersecretary Emil Sadain, ang chief implementer sa Build Build Build Program sa gobyerno ang nanguna sa inagurasyon uban ang mga opisyal gikan sa nasudnon, rehiyonal ug district engineering officials sa DPWH ilabina si District 3 Engineer Magiting Cruz diin nahimutang ang bag-ong tulay.
Gitambongan usab ang maong kalihokan nila Hideki Yamaji, ang Consul General sa Japan Embassy,
Mitsuhiro Yao ang Director, International Affairs Office sa Japan Embassy, Kenji Kuronoma ang Senior Representative sa Japan International Cooperation Agency (JICA), Yuki Inoue, Kunihiro Takahashi, ug uban mga taga DPWH nga sila Usec. Maximo Carvajal, Benjamin Bautista, Francisco Sawali, Edgar Tabacon,!Mario Montejo, Engr. Jun Dela Cruz, Engr. Vicente Valle, ug Engr. Godofredo Laga.
Kauban usab si Vicente Lao ug Rosita Lao sa Vicente Lao Construction, Muhammed Roem Olifwan sa Wijaya Karya, Third District Rep. Alexie Tutor, Loay Mayor Hilario Ayuban, Vice Mayor Rodrigo “Janjan” Cubarol, PCPT Geronimo Conarco, Poblacion Ubos Brgy. Captain Primo Espiritu, Villalimpia Brgy. Captain Jovanni Acaap ug mga sakop sa Sangguniang Bayan.
Ang maong taytayan ubos sa JICA-Assisted Road Upgrading and Preservation Project, Upgrading and Improvement (UI) Component nga gipondohan sa JICA Loan Agreement PH-P247 ug gi-implementar sa DPWH pinaagi sa Unified Project Management Office – Roads Management Cluster usa sa mga prayoridad sa administrasyong Duterte.
Si Gob. Arthur Yap nagpasalamat sa mga kadagkuan sa DPWH ug ingon man sa JICA kay sila padayon nga usa sa walay hunong nga misuporta ug nakig-tambayayong sa atong nasud.
