Sinulat ni Rey Anthony Chiu
Dili nabkinahanglan pang magpalista ug mopila didto sa mga buhatan sa Department of Social Welfare and Development (DSWD) aron makakuha sa tabang sa kagamhanan.
Hinuon magpaabut na lang sa pahibaw sa DSWD kun asa ug kanus a mahitabo ang payout, aron wala nay kahasol sa pila.
Kini ang gipadayag sa (DSWD) human gikabaniog ug gihimong sumsuman sa mga tigpanaway ang bagangvpunsisok sa katawhan nga minghasmag sa mga buhatan saDSWD aron maapil sa lista ug mahatagan sa hinabang.
Kahinumduman nga mingsaad ang kagamhanan nga mohatag ug Educational Assistance gikan sa pundo sa Assistance to Individuals in Crisis Situations (AICS) sa DSWD.
Usa ka libo ang ihatag alang sa matag tinun an nga benepisaryo sa elementary, P2 mil sa High school, P3 mil sa senior High ug P4mil alang sa naa sa kolehiyo o mikuhag vocational course.
Tulo lamang sa usa ka pamilya ang pwede makakuha sa hinabang alang sa mga biktima sa pisikal nga abuso, naay HIV, maoy gisaligan sa pagkaon sa banay, anak sa overseas Filipino worker, person with disability.