Sinulat ni Elvira Bongosia
Walay kamatuoran nga ang Department of Health (DOH) naghatag ug expired doses sa booster shots.
Kini ang giklaro ni DOH Officer-In-Charge Usec. Maria Rosario Vergeire sa usa ka press briefing kalabot sa giingong booster shots batok sa Coronavirus disease (Covid).
Gipasabot niini nga pipila sa mga bakuna adunay “extended shelf life”.
“Ito pong mga bakunang ibinibigay natin, may iba dito mayroon pong tinatawag na extended shelf life. Everybody knows about this because when these vaccines were near expiring already, we coordinated with FDA [Food and Drug Administration] so that they can coordinate with manufacturers to determine kung pwede ma-extend and shelf life,” matud pa ni Vergeire.
Gipasabot ni Vergeire nga kun gilugwayan sa mga manufacturers ang “shelf life” sa mga bakuna, moagi kini sa masusing pagtuon.
“Gitawag nato kini nga stability studies, mao nga nahimo kana sa mga bakuna nga among gihangyo ug gipalugwayan ang shelf life” matud pa sa Kalihim.
Matod pa ni Vergeire nga epektibo ug luwas gihapon ang maong bakuna tungod kay gipalugwayan ang “shelf life” niini.
Gipasabot niini nga dili tinuod nga nanghatag ang DOH ug expired nga mga bakuna.
Giangkon ni Vergeire nga adunay isyu tungod kay ang mga bakuna nga adunay taas nga “shelf life,” wala mag-usab sa mga label sa mga bakuna tungod kay daghan sa mga tig-gama niini ang mihunong sa produksiyon mao nga ang naa ra mao ang usa ka sertipiko nga nagpahayag nga nagpalugway sa “shelf life.”