Gikan sa Philippine Information Agency ug sinulat ni Dave Albarado
Nataruan na ug kuryente ug supply sa tubig ang usa ka housing project sa National Housing Authority (NHA) didto sa lungsod sa Dauis.
Kasagaran sa mga namuyo sa maong housing project mga sundalo sa Armadong Kusog sa Pilipinas kun AFP, ug mga sakop sa Philippine National Police (PNP).
Ang maong housing area anaa mahimutang didto sa Saint Michael Village sa barangay Songculan sa lungsod sa Dauis ug gitukod sa NHA.
Mukabat sa 500 ka mga benepisyaryo ang mupuyo sa maong lugar nga usa ka low-cost financing housing project sa kagamhanan.
Tungod kay naa nay kuryente ug tubig, mahimo nga puy-an na sa mga benepisyaryo ang mga gitukod nga balay.
Si NHA Bohol District Manager Grace V. Solis miingon nga nahuman na ang pagtaod sa kuryente ug tubig sa mga housing units hapit usa ka tuig human gitrabaho sa field
office sa
maong ahensya ang pagtaod sa mga linya aron mahimung kapuy-an na ang mga tag-iya sa balay.
Aron makapauyo na ang mga benepisyaryo, kinahanglan lukaton ang Certificate of Award didto sa NHA.
Ang mga benepisyaryo mahimo na mo-apply sa Bohol Electric Cooperative 1 (BOHECO 1) aron mahimong myembro-konsumidor ug hingpit nga makatagamtam ug sugang dagitab.
Ang maong sertipiko ang kinahanglan sa mga benepisyaryo aron mahatagan ug
hingpit nga koneksyon sa waterworks system sa Dauis.