ni Jose “joesum” Sumampong, Jr.
ANG SAYSAY SA KAAGI
SA SANTOS KARONG ADLAWA
NOBIYEMBRE 13, 2022
Saint Frances Xavier Cabrini
Statue of Saint Frances Xavier Cabrini in the portico of the sanctuary of the Blessed Virgin of the Rosary in Pompei | photo by Dario Crespi
Saint of the Day for November 13
(July 15, 1850 – December 22, 1917)
Saint Frances Xavier Cabrini’s Story
Si Frances Xavier Cabrini mao ang labing unang nanimuyo sa United States nga giproklamar nga santos o santa. Ang iyang halawom nga pagsalig sa mahigugmaong pag-amuma sa iyang Dios maoy naghatag kaniyag kusog aron mahimo nga makusganong babaye diha sa iyang pasgbuhat sa mga buluhaton ni Kristo.
Gidid-an pagsulod ngadto sa religious order nga maoy nagbansay kaniya sa pagkamagtutudlo, siya nagmugna og mga buluhaton sa kaluoy didto sa House of Providence Orphanage sa Cadogno, Italy. Sa Septiyembre 1877, siya mihimog sa mga saad sa pagka-rehiliyoso ug nagsapot sa biste isip rehiliyoso.
Sa panahon dihang ang Obispo nga haduol sa maong orphanage sa 1880, iyang giila si Frances nga prioress sa mga Missionary Sisters of the Sacred Heart. Pito ka mga batan-ong babaye gikan sa orphanage miapil kaniya.
Gikan pa sa sayong pangidaron sa iyang pagkabata didto sa Italy, si Frances naglantaw nga mahimong usa ka misyonera didto sa China apan, tungod sa hangyo ni Pope Leo XIII, si Frances nahiadto sa habagatan / west inay kay sa subangan / east. Milawig siya nga inubanan sa unom ka mga madre ngadto sa New York City aron mangalagad sa linibo nga mga Italian immigrants nga nagpuyo didto.
Iyang gikahimamat ang daghanang kalisod sa matag lakang. Sa iyang pag-abot didto sa New York, ang balay nga gitagana unta aron mahimo nga iyang labing una nga orphanage didto sa United States dili pa andam. Ang archbishop mitambag niya sa pagbalik ngadto sa Italy. Apan si Frances, nagpakita sa iyang pagka-matuod nga makusganong babaye, mibiya pagpuyo sa archbishop’s residence nga nagbaton og tumang panglantaw sa pagtukod og orphanage. Ug kini iyang natukod.
Sa sulod 35 ka mga tuig, si Frances Xavier Cabrini nakatukod og 67 ka mga institutions kansang katuyo-an mao ang pag-amuma sa mga kabos, mga sinalikway, mga walay-kabangkaagan ug sa mga masakiton. Nakamatikod sa hilabihang kapanginahanglan sa mga Italian immigrants nga mawad-an sa ilang pagtuo, nagmugna siya og mga tulunghaan ug nagpahigayon og mga adult education classes alang sa mga hamtong.
Isip usa ka bata, makananayon siya sa kahadlok sa tubig kay tingalig maoy makapalumos niya. Apan, bisan pa sa maong kahadlok, minglawig siya tadlas sa Atlantic Ocean sa mokapin og 30 ka mga higayon. Siya namatay gumikan kay natakboyan sa sakit sa malaria sulod sa iyang kaugalingon nga Columbus Hospital didto sa Chicago.
PAMALANDONG
Ang pagka-maluloy-on ug ang paghalad ni Mother Cabrini nagpadayon pa sa daghang katawhan nga nangalagad alang sa mga masakiton sulod sa mga tambalanan, sa mga nursing homes, ug mga state institutions. Nagreklamo kita sa walay-hunong nga kamahal sa balayranan diha sa pag-atiman sa atong panglawas dinhi sa atong katilingban, apan ang mabasa o madungog sa matag adlaw nga balita, nagmatuod nga milyon sa atong katawhan walay igong ikakugol alang sa pag-atiman sa ilang kahimtang sa panglawas ug sila nanawagan sa bag-ong Mother Cabrini nga mangalagad nila ubos sa lang nahimutangan o masulob-ong kahimtang.
Si Saint Frances Xavier Cabrini is a santa nga Matrona sa mga:Hospital Administrators / tigdumala sa tambalanan
Immigrants / katawhan nga naggikan sa laning nasud nga namuyo sa langyaw nga nasud
Impossible Causes / mga kaso nga imposibling mamaayo