Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
MARSO 3, 2024
Saint Katharine Drexel
Saint of the Day for March 3
(November 26, 1858 -March 3, 1955)
Katharine Drexel’s Story
Kon ang imong amahan usa ka international banker ug imong sakyanan mao ang pribadong kotse, ikaw tingali dili sayon madani sa pagkinubuhi uban sa boluntaryong pagka-kabos. Apan kon ang imong inahan nagbukas sa panimalay ngadto sa mga kabos tulo ka mga adlaw matag semana ug ang imong amahan naggugol og tunga ka takna matag gabii alang sa pag-ampo, dili tingali imposible nga ikaw motahan sa imong kinabuhi alang sa mga kabos ug mopaambit og minilyon ka mga dolyar. Mao kini ang gibuhat ni Katharine Drexel.
Natawo sa Philadelphia niadtong tuig 1858, nakabaton siya og taas nga edukasyon ug nagsuroy sa daghang mga dapit. Isip anak sa mga adunahan, si Katharine gihatagan og usa ka grand debut ngadto sa katilingban. Apan maoy nangunay sa pag-alima sa iyang ina-ina sulod sa tulo ka mga tuig nga natakboyan og makapatay nga sakit, nakat-onan niya nga dili ang tanan mapalit sa iyang salapi – sama sa pag-alim sa kasakitan ug pagsumpo sa kamatayon. Ang kinabuhi ni Ktharine naliso ug nabag-o sa hingpit.
Si Katharine kanunayng nagbatonog interes sa mga kahimtang sa mga Indians, iya kining nabasahan ug napamalandongan sa A Century of Dishonor nga sinulat ni Jackson. Sa iyang gikahibalag ang usa ka santo papa, mihangyo siya nga unta mapadalhan og dugang nga mga misyonero adto sa Wyoming aron adunay katabang niini ang iyang higala nga obispo sa maong dapit. Sa dihang giuyonan kini, may lawom siyang tinguha sa pagtabang alang sa katumanan sa maong panglantaw.
Paghibalik niya sa iyang pinuy-anan, giduaw niya ang Sioux leader Red Cloud ug dinhi nagasugod ang iyang pagsagubang paghatag og tabang ngadto sa Indian missions.
Si Katharine Drexel may dakong kahigayonan magminyo. Apan tapos sa panagsultihanay uban kang Bishop O’Connor, nagsulat siya niini sa1889, “The feast of Saint Joseph brought me the grace to give the remainder of my life to the Indians and the Colored.”
Kini ang nahisulat sa ulo sa mga pamantalaan:“Gives Up Seven Million!”
Human sa tulo ug tunga ka mga tuig sa padbansaybansay, si Mother Drexel ug ang iyang pundok sa mga madre – Sisters of the Blessed Sacrament for Indians and Colored – nagbukas og usa ka boarding school sa Santa Fe. Gisundan kini sa uban pa nga mga tulunghaan nga natukod, Sa 1942, may sistema sa tulunghaan alang sa mga itum. Anaa sila sa 13 ka mga estado. nakabaton og 40 ka mga mission centers ug 23 ka mga rural schools. Ang mga
Segregationists miasdang sa pagpakigbatok sa iyang mga proyekto. Nagsunog gani og tulunghaan sa
Pennsylvania. Sa tanan,siya nakatukod og 50 ka mga misyon alang sa Indians sa 16 ka mga estado.
Duha kamga santa nagkahibalag sa dihang si Mother Drexel gitambagan ni Mother Cabrini nga kinahanglan makakuha og pagtugot ang bag-ong pundok sa kamadrehan gikan sa Rome. Ang matawag og Korona sa Himaya mao ang katukuran sa Xavier University sa New Orleans, ang labing una nga unibersidad nga Katoliko sa U.S.A. alang sa mga itum.
Sa edad nga 77, si Mother Drexel giatake sa kasingkasingug napugos sa pag- retire. Apan dili kini ang katapusan sa iyang kinabuhi. Ang sunod nga mga 20 ka tuig maoy mga panahon sa kahilom, makanunayong pag-ampo sulod sa gamayng lawak nga naglantaw sa usa ka sanktuwaryo, aduna siyay notebook nga gisulatan sa iyang mga pag-ampo, walay-hunong nga mga aspirasyon ug pamalandong. namatay siya sa edad nga 96 ug na-canonized sa 2000.
PAMALANDONG
Ang mga santos sa kanunay naglakbit sa susamang mga panggibuhaton Padam-po, magpaubos, pagdawat sa krus, paghigugma, pagpasaylo. Samtang maayo ang pagpamati kabahin niini, sa atong panahon laron, ang kamatuoran apasibo gayod sa unsay tinuoray nahitabo diha sa kasinatian sa katalingban. Panaglitan unsay anaa sa pamantalaan, unsay gitaho sa talevision, unsay gisibysa sa mga radio… ug unsay sangputanan niining maong panghitabo sa katilingban nga kita nahiuban, unsay atong nasinati sa atong ksaugalingon panimuyo. Unsay gitudlo kanato sa DIOS sumala sa iyang mga Pulong ug gitudlo sa Iyang Simbahan nga angayang sundon aron makabaton kita sa tunhayng kinabuhi. Ang dalan, kinabuhi, kamatuoran sa kaluwasan… mihiabot unts kanato.