Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
ABRIL 28, 2024
April 28: Feast of St. Gianna Beretta Molla
Adunay napulo ka mga Santos nga mga sakop sa Vincentian Family: upat ka mga lalaki (St. Vincent de Paul, St. Francis Regis Clet, St. Justin de Jacobis, and St. John Gabriel Perboyre) ug unom ka mga babaye (St. Louise de Marillac, St. Joan Antida Thouret, St. Elizabeth Ann Seton, St. Catherine Labouré, St. Agostina Pietrantoni, and St. Gianna Beretta Molla).
Ang Abril 28 mao ang kapyestagan ni St. Gianna Beretta Molla (1922-1962), usa ka modernong / modern-day Santa, usa ka mananambal, asawa, ug inahan kinsa mipili sa pagsagop sa iyang kasayoran nga ang iyang ika-upat ka pagburos nagdala og mangilngid nga sanputanan sa iyang mismong kinabuhi, bisan pa sa iyang personal nga kasayoran nga ang maong pagka-buros mosangko sa iyang kaugalingong kamatayon, ug kini mao gyod ang nahitabo. Nahimo siyang kabahin sa Vincentian Family gumikan kay sa batan-on pa siya nangalagad siya sa mga tigulang ug mga nanginahanglan nga mga ginsakopan sa St. Vincent de Paul Society. Kining maong kasinati-an may dakong kalabutan sa mga gihimong paghukom sa iyang kinabuhi, tapos milampos sa iyang pagtuon sa medisina ug surgery niadtong tuig 1949, gibuksan niya ang usa ka medical clinic diin iyanng tiunay nga pagtagad ngadto sa mga inahan, mga gagmay nga kabataan, mga tigulang,
nanginhanglan ug mga kabos. Bag-o pa lang nga siya gipili nga Patron Saint of the World Meeting of Families.
PAMALANDONG
Ang paghatag og dakong bili sa kinabuhi. Ang pagpakamatay sa kugalinon kay gipili ta nga mabuhi ang uban, usa gayod ka balaang misyon. Kini gihulagway ni Kristo sa iyang kamatayon sa
Balabag sa krus. Pinaagi sa iyang kamatayon, kita nabuhi uban sa atong langitnong Amahan! Mao kini ang hinungdan ngano nga may mga martir nga misagop sa duguong o malisod nga kamatayon aron mabuhi ang Kristohanong pagtuo.
SUGYOT NGA AMPO-AN – ATONG I-AMPO ANG TANANG BUROS NGA SILA MASAYOD SA KABILHONG SA KINABUHI NGA ANAA SA ILANG MGA SABAKAN…. UG MANGANDAM SA PAG-AMUMA NIINI SA ILANG PAGAWAS GIKAN SA ILANG MGA SABAKAN…