The Municipality of Jagna FB Post reveals the following: “Niadtong Mayo 17, 2024, usa ka grupo sa mga Balik Jagnaanons gikan sa Estados Unidos ang nakasinati og kinasingkasing nga pag-abiabi gikan sa Munisipyo sa Jagna, nga gipangulohan ni Mayor Joseph Rañola (back row, 3rd from left). Sa ilang pag-abot, ang grupo gipaila-ila sa makabulohan nga mga tradisyon sa Jagna, sugod sa “patunob” nga usa sa mga tradisyon sa simbahan sa parokya Jagna. Sa ilang pag-adto sa Munisipyo gitagbo sila sa lokal nga banda ug sa ukulele ensemble. Ang mga bisita miapil usab sa tradisyonal nga sab-ong/sabwag nga gihimo sa altar sulod sa opisina sa Mayor. Nakadayeg pag-ayo ang mga balik Jagnaanons sa mga kalamboan nga nakab-ot ubos sa kasamtangang administrasyon. Ilang gipadayag ang ilang pagdayeg sa transparencia ug maayo nga pang gobierno ubos sa liderato ni Mayor Rañola, nga nakasaksi sa mga detalyadong report gikan sa mga sakop sa Local Finance Committee. Gipresentar usab sa Mayor ngadto sa grupo ang iyang umaabot nga mga proyekyo ubos sa iyang paningkamot ug pundo alang sa Jagna, lakip na ang katumanan sa 50-foot colossal statue of the Birhen sa barangay. Nangayo siya og suporta gikan sa grupo, nga nag-ila sa ilang kalampusan ug potensyal nga kontribusyon. Mapasalamaton sa mainitong pag-abiabi, ang mga Balik Jagnaanon ug nagpaabot sa ilang kinasingkasing nga pasalamat ngadto kang Mayor Rañola sa pagpasiugda sa maong halandumon nga pagdawat.” Contributed photo