By Elvira Bongosia, PIA
Nanawagan ang tigpamaba ug Undersecretary sa Department of the Interior and Local Government (DILG) nga si Jonathan Malaya sa local government units (LGUs) nga libreng i-isyu ang medical certificates sa mga na-stranded nga indibidwal.
“Sana ‘balato’ na lang ng LGUs ‘yung medical certificate sa mga stranded na,’’ matud pa ni Malaya.
Gibutyag pa niini nga nakadawat ang ilang buhatan og taho nga usa ka lokalidad sa Batangas ang naningil og P3,000 aron ma-isyuhan og medical certificates.
Matud pa ni Malaya, dili kinahanglang maningil ang LGUs tungod kay wala may himuong laboratory test alang sa medical certificates.
Giingong dili na usab angay lisud-lisoron pa ang mga na-stranded tungod kay nakasinati na usab sila og sobrang kalisod aron lamang makapaule sa ilang mga lugar.
Kahinumdoman nga una nang nanawagan si DILG Kalihim Eduardo Año nga subling tun-an sa mga LGUs ang ipahamtang nga singil sa pagkuha og medical certificate alang sa mga locally stranded individuals (LSIs) taliwala sa gi-atubang nga krisis karon sa nasod tungod sa coronavirus disease (COVID) 19 pandemic mao nga angayang gamay lamang ang singil isip public service fee. (ecb/PIA7-Bohol)
Samtang magsilbing monitoring offices usab ang ‘hatid-probinsya’ ug ‘balik-abroad’ task groups alang sa onsite OFWs ug sa mga nanginahanglan og repatriation. (ecb/PIA7-Bohol)