Kasamtangang suspendido pa ang voters’ registration sa mga buhatan sa Commission on Elections (Comelec) sugod kagahapon Oktubre 31, 2020.
Sa gipagawas nga pahibalo sa Comelec, ang pagsuspenso gihimo alang sa pagtimaan sa All Saints’ ug All Souls’ Day.
Matud pa sa Comelec, dili pagabuksan ang tanang buhatan sa Office of the Election Officer (OEOs) sa maong mga petsa.
“Voter registration will be suspended on October 31, 2020, Saturday. All Offices of the Election Officer (OEOs) nationwide will be closed,” matud pa sa public advisory nga gipagawas sa Comelec.
Apan ibalik ra ang voters’ registration sa Nobyembre 3, 2020, adlaw nga Martes.
Ang voter’s registration sugod sa Nobyembre 9,2020 gikan Lunes hangtod Biyernes sa alas 8 sa buntag hangtod sa alas 3 sa hapon.
Subling nga gipahinumdoman sa Comelec ang publiko nga sundon pa gihapon ang minimum health standards ug protocol nga gipatuman sa sulod ug gawas sa buhatan. (PIA)