Sinulat ni Elvira Bongosia
Gi-awhag ni Presidente Rodrigo Duterte ang publiko nga i-report ang korapsyon sa mga ahensya sa gobyerno ug mohatag ug makatabang nga impormasyon sa awtoridad.
Matud pa sa Presidente nga ang mga tipster makadawat ug ganti gikan sa gobyerno.
Sa iyang public address niadtong Lunes sa gabii, Nob. 24, 2020. si Duterte nagkanayon nga ang petty graft “perpetuated almost everywhere,” sa pipila ka korap nga empleyado sa gobyerno.
“Iyong mga nasa window ng business permit, ‘yang mga clearances, papahirapan ang tao kaya ang sabi ko sa inyo, if you want to earn money, good money, ‘pag maganda ang kaso, malaki ang lugi sa gobyerno, report it to the person that you trust without giving your name and number,” matud pa ni Duterte.
Ang hinihingi ko lang ang opisina at kung magkano, ako na ang mag-follow-up at tsaka ‘yong medyo maliliit, P10,000,” dugang pahayag niini.
Samtang gipasidan-an usab sa presidente ang katawhan nga ihunong ang corrupt practices ubos sa iyang administrasyon.
“Huwag kayong maghinakit, huwag kayong magalit sa akin kasi ako galit rin sa inyo. Huwag kang ikaw pa ang galit, ikaw pa ang magnanakaw. Do not – do not blame anybody except yourself. You brought it to yourself to bear,” matud pa niini.
Sa laing bahin, gibasa usab ni Presidente Duterte ang pipila ka pangalan gikan sa listahan nga gitangtang ug nag-atubang ug kasong administratibo tungod sa sayop nga buhat. Apan gitumbok niini nga ibutyag niya ang mga pangalan sa mga mosunod nga semana.
Bisan gipapubliko ang pipila ka pangalan sa mga korap nga opisyal ug empleyado, wala gibutyag sa Presidente ang pangalan sa mga kongresista nga nalambigit sa korapsyon nga may kalabotan sa proyekto sa ilang distrito.
Gipasabot ni Duterte nga dili niya kini hinganlan tungod kay naapil kini sa “co-equal branch” sa gobyerno.