Gikan sa PIA
Gipahayag sa Department of Labor and Employment (DOLE) nga ipatuman ang “no work no pay” policy, alang sa Disyembre 8, 2020, ang Feast of Immaculate Concepcion nga usa usab ka non-working day.
“If the employee did not work, the ‘no work, no pay’ principle shall apply unless there is a favorable company policy, practice, or collective bargaining agreement (CBA) granting payment on a special day,” base sa nakalatid sa Labor Advisory No. 32-2020.
(Kon ang usa ka empleyado wala mitungha, mahimong i-apply ang no work, no pay policy kana kon walay paborableng polisiya sa kumpanya o dili kaha kasabutan tali sa empleyado ug tag-iya pinaagi sa Collective Bargaining Agreement nga naghatag ug suhol sa usa ka espesyal nga adlaw.)
Isip usa ka special non-working day, ang mga mosunod nga pay rules ang ipatuman sa maong adlaw.
Ang trabahante nga nisulod sa maong special day, angay bayran ug dugang 30% sa iyang basic wage sa unang walo ka oras sa iyang pagtrabaho.
Sa mga milapas ug walo ka oras o nag-overtime, angay silang bayran ug dugang 30% sa ilang hourly rate sa maong adlaw.
Samtang ang trabahante nga nisulod o mi-trabaho sa special day nga natunong sa iyang day-off, angay bayran ug dugang 50% sa iyang basic wage sa unang walo ka oras nga pagtrabaho.
Apan kun milapas sa walo ka oras o nag-overtime sa adlaw sa special day ug natunong usab nga day-off sa trabahante, angay siya bayran ug dugang 30% sa iyang hourly rate sa maong adlaw.
Deklarado isip special non-working holiday ang Disyembre 8 agi ug pagtimaan sa Feast of the Immaculate Concepcion nga nag-unang Patron sa Pilipinas.