Mipasidaan ang Department of Finance (DOF) sa publiko kabahin sa Facebook page nga nagpaka-aron ingnon nga gipanag-iya sa maong departamento.
Ang Facebook page nga peke adunay ngalan nga “Department of Finance” kuno nga nag endorso ug usa ka financial grant nga nagkantidad ug $400 tungod kay lisod ang kinabuhi sa nasud sa pagkakaron.
Ang profile picture sa maong Facebook page adunay link diin padulong sa laing page nga mohatag ug dugang nga impormasyon kabahin sa usa ka scholarship.
Giawhag sa DOF ang publiko nga likayan ang pagclick sa maong link. Ang link padulong sa usa ka website nga adunay computer virus ug posibli nga makakawat ang informasyon sa usa ka website user o kaha maoy makaingon sa usa ka identity theft.
Gipahibalo sa DOF nga usa lamang ang opisyal nga Facebook page sa DOF: facebook.com/DOFPH