Sinulat ni Elvira Bongosia
Nipasidaan ang Department of Education (DepEd) sa publiko batok sa mga grupong nigamit sa pangalan sa ahensya ug mga opisyal ug kawani niini aron mangayo ug mga pinansiyal nga donasyon.
Matud pa sa gipagawas nga public advisory sa DepEd, nakadawat sila ug mga taho nga may mga nigamit sa pangalan sa ahensya, ni Kalihim Leonor Briones, ug uban pang opisyal sa ahensiya aron makapangayo ug salapi.
Giingong may mga nisundog pa sa tingog ni Kalihim Briones sa pagpangayo ug salapi.
“We would like to reiterate to the public that the Department has not authorized any individual or group to conduct such activity especially in the name of the Secretary,” matud sa DepEd.
[Buot nato nga ipadayag sa publiko nga ang Department of Education wala magtugot sa ni bisan kinsa o bisan unsa nga pundok sa paghimo sa nahisgutang buluhaton ilabi na sa ngalan sa kalihim]
Matud pa sa DepEd nga gipa-imbestigahan nila kini sa tabang sa mga otoridad.
Gi-awhag sa ahensya ang publiko nga kon makasugat ug mga kadudahang transaksyon sama niini, mahimo kini nilang ipahibalo sa DepEd Public Assistance ug Action Center pinaagi sa email address depedactioncenter@deped.gov.ph o motawag sa mga numero (02) 8636-1663 ug (02) 8633-1942.