DILG, midasig sa LGUs sa pagtabang sa pagbatok sa pagkaylap sa monkeypox 

Sinulat ni Elvira Bongosia

Gi-awhag sa Department of the Interior and Local Government (DILG) ang mga local government units (LGUs) sa paghimo ug mga proactive nga mga lakang sa pagbatok sa pagkaylap sa monkeypox.

Gihimo kini ni DILG Kalihim Benjamin “Benhur” Abalos Jr. human sa pagkatala sa labing unang kaso sa maong virus sa nasud.

Matud pa ni Abalos, angay magbaton ug suod nga relasyon ang Local Government Units sa Department of Health (DOH) aron magpatuman ug mga lakang aron batokan ang pagkatap sa monkeypox.

Sa pagakakaron, hugot nga gibantayan sa DOH ang mga biyaherong mosulod ug mogawas sa nasud nga posibleng may dala sa virus.

Gi-awhag usab ni Abalos ang publiko sa pagsunod sa minimum public health protocol isip pag-amping sa monkeypox ug bisan sa COVID-19.