Gitugutan ni Duterte ang pagbayad sa mga death and burial benefits sa mga IPMR sa mga barangay 

Sinulat ni Dave Albarado

Gitugutan na ni Presidente Duterte ang pagbayad sa mga death and burial benefits sa mga gitawag nga indigenous people mandatory representatives (IPMR) sa mga barangay sa panahon sa ilang pagserbisyo sa ilang termino.

Ang pagtugot sa president nahisulat pinaagi sa Presidential Executive Order No. 139 nga naghatag ug mga death and burial benefits sa mga IPMR sa mga kabarangayan.

Matud pa sa mga tigpaniid, dako kini kaayong tabang alang sa mga lumad nga mga Pilipino nga anaa sa mga barangay, ilabi nga anaa ta sa usa ka pandemya.

Ang EO usa ka timailhan nga gihatagan ug bili ang mga lumad sa atong kagamhanan.

Ang naasoy nga EO naglatid sa Department of the Interior and Local Government (DILG) Deparrtment of Budget and Management (DBM), ug ang Commission for Indigenous Peoples nga ilang suta-on ang kantidad sa ihatag nga benepisyo alang sa mga IPMR.

Ang maong EO usa ka pamaagi diin matuman ang lagda sa Republic Act 8371 o ang Indigenous Peoples Rights Act (IPRA).